ആ​ല​പ്പു​ഴ: ത​ണ്ണീ​ർ​മു​ക്ക​ത്തെ തൊ​ഴി​ലു​റ​പ്പ്​ പെ​ണ്ണു​ങ്ങ​ൾ മ​ണ്ണി​ലി​റ​ങ്ങി​യ​പ്പോ​ൾ നൂ​റു​മേ​നി വി​ജ​യ​ത്തി​ള​ക്കം. പ​ച്ച​ക്ക​റി​കൃ​ഷി​യി​ല്‍ നൂ​റു​മേ​നി വി​ള​യി​ച്ചാ​ണ്​ ത​ണ്ണീ​ര്‍മു​ക്ക​ത്തെ തൊ​ഴി​ലു​റ​പ്പ് തൊ​ഴി​ലാ​ളി​ക​ളു​ടെ വ​നി​താ​കൂ​ട്ടാ​യ്മ​യു​ടെ വി​ജ​യ​ഗാ​ഥ. ര​ണ്ടാം വാ​ർ​ഡ് എ​സ്.​ബി​പു​ര​ത്തെ വാ​ത്യാ​ട്ടു​ക​ള​രി പ്ര​ദേ​ശ​ത്ത് അ​ഞ്ചേ​ക്ക​ർ സ്ഥ​ല​ത്ത് 25 വ​നി​ത​ക​ൾ ചേ​ർ​ന്ന് ആ​രം​ഭി​ച്ച പ​ച്ച​ക്ക​റി​ത്തോ​ട്ട​ത്തി​ല്‍ വി​ള​വെ​ടു​പ്പു​ത്സ​വ​മാ​ണ്.

ദേ​ശീ​യ ഗ്രാ​മീ​ണ തൊ​ഴി​ലു​റ​പ്പ് പ​ദ്ധ​തി​യും കൃ​ഷി​വ​കു​പ്പി​ന്റെ പോ​ഷ​ക സ​മൃ​ദ്ധി​മി​ഷ​നും സം​യോ​ജി​പ്പി​ച്ചാ​ണ് തൊ​ഴി​ലു​റ​പ്പ് തൊ​ഴി​ലാ​ളി​ക​ളാ​യ വ​നി​ത​ക​ള്‍ മാ​തൃ​കാ​പ​ര​മാ​യ കാ​ർ​ഷി​ക മു​ന്നേ​റ്റം സാ​ധ്യ​മാ​ക്കി​യ​ത്. അ​ച്ചി​ങ്ങ, പാ​വ​യ്ക്ക, ത​ക്കാ​ളി, വെ​ണ്ട​യ്ക്ക, പ​ച്ച​മു​ള​ക് തു​ട​ങ്ങി​യ​വ​യാ​ണ് പ്ര​ധാ​ന​മാ​യും കൃ​ഷി ചെ​യ്യു​ന്ന​ത്. ക​ഴി​ഞ്ഞ ന​വം​ബ​റി​ൽ മ​ന്ത്രി പി. ​പ്ര​സാ​ദാ​ണ്​ ന​ടീ​ൽ ഉ​ദ്ഘാ​ട​നം നി​ർ​വ​ഹി​ച്ച​ത്.

തു​ള്ളി​ന​ന രീ​തി​യു​ള്‍പ്പെ​ടെ അ​ത്യാ​ധു​നി​ക രീ​തി​ക​ൾ അ​വ​ലം​ബി​ച്ചാ​ണ് കൃ​ഷി. ആ​വ​ശ്യ​മാ​യ വി​ത്ത്, വ​ളം, സാ​ങ്കേ​തി​ക സ​ഹാ​യ​ങ്ങ​ൾ എ​ന്നി​വ​യെ​ല്ലാം ന​ൽ​കി ത​ണ്ണീ​ർ​മു​ക്കം കൃ​ഷി​ഭ​വ​നും വ​നി​ത​ക​ള്‍ക്കൊ​പ്പ​മു​ണ്ട്. ദി​വ​സം ശ​രാ​ശ​രി 40 കി​ലോ വീ​തം അ​ച്ചി​ങ്ങ​യും വെ​ണ്ട​ക്ക​യും വി​ള​വെ​ടു​ക്കു​ന്നു​ണ്ട്. കൂ​ടാ​തെ 30 കി​ലോ​യോ​ളം പാ​വ​ക്ക​യും 12 കി​ലോ​യോ​ളം പ​ച്ച​മു​ള​കും ദി​ന​വും ല​ഭി​ക്കു​ന്നു. പൂ​ർ​ണ്ണ​മാ​യും ജൈ​വ കൃ​ഷി​യാ​യ​തി​നാ​ൽ ആ​വ​ശ്യ​ക്കാ​ർ കൃ​ഷി​യി​ട​ത്തി​ലേ​ക്ക് നേ​രി​ട്ടെ​ത്തി​യാ​ണ് പ​ച്ച​ക്ക​റി​ക​ൾ വാ​ങ്ങു​ന്ന​ത്. 8000നും 10000​നും ഇ​ട​യി​ൽ ദി​വ​സ വ​രു​മാ​നം ല​ഭി​ക്കു​ന്നു​ണ്ടെ​ന്ന് വ​നി​താ ക​ര്‍ഷ​ക​ര്‍ സാ​ക്ഷ്യ​പ്പെ​ടു​ത്തു​ന്നു.

തൊ​ഴി​ലു​റ​പ്പ് കൂ​ലി​ക്ക് പു​റ​മേ ഇ​വ​ർ​ക്കി​ത് അ​ധി​ക വ​രു​മാ​ന​ത്തി​നു​ള്ള വ​ഴി​കൂ​ടി​യാ​ണ്. മി​ക​ച്ച നേ​ട്ടം കി​ട്ടി​യ​തോ​ടെ കൃ​ഷി കൂ​ടു​ത​ൽ വി​പു​ല​മാ​ക്കു​ന്ന​തി​ന് തൊ​ട്ട​ടു​ത്ത ഒ​ന്ന​ര​യേ​ക്ക​ർ പാ​ട​ശേ​ഖ​ര​ത്തി​ലും വ​നി​ത​കൂ​ട്ടാ​യ്മ കൃ​ഷി​യി​റ​ക്കി​യി​ട്ടു​ണ്ട്. ചീ​ര, വ​ഴു​ത​ന, പ​ട​വ​ലം, പാ​വ​ൽ, വെ​ള്ള​രി​ക്ക തു​ട​ങ്ങി​യ​വ​യാ​ണ് കൃ​ഷി​ചെ​യ്യു​ന്ന​ത്.

കൃ​ഷി പൂ​ർ​ണ വി​ജ​യ​മാ​യ​തോ​ടെ കൂ​ടു​ത​ൽ ഭാ​ഗ​ങ്ങ​ളി​ലേ​ക്ക് വ്യാ​പി​പ്പി​ക്കു​ന്ന​തി​ന് പ​ഞ്ചാ​യ​ത്തും കൃ​ഷി​ഭ​വ​നും ചേ​ർ​ന്ന് പ​ദ്ധ​തി​ക​ൾ ആ​വി​ഷ്ക​രി​ച്ചി​ട്ടു​ണ്ട്. മി​ക​ച്ച വി​പ​ണി ക​ണ്ടെ​ത്താ​ൻ കു​ടും​ബ​ശ്രീ​വ​ഴി വി​പ​ണ​ന കേ​ന്ദ്രം ഉ​ട​ൻ സ്ഥാ​പി​ക്കു​മെ​ന്ന്​ പ​ദ്ധ​തി​ക്ക് നേ​തൃ​ത്വം ന​ൽ​കു​ന്ന ര​ണ്ടാം വാ​ർ​ഡ് അം​ഗം കൂ​ടി​യാ​യ പ്ര​വീ​ൺ ജി. ​പ​ണി​ക്ക​ർ പ​റ​ഞ്ഞു.