കൊ​യി​ലാ​ണ്ടി: കാ​ർ​ഷി​ക മേ​ഖ​ല​യി​ൽ ഒ​രു കാ​ല​ത്ത് ക​ർ​ഷ​ക​രു​ടെ മു​ഖ്യ​കൃ​ഷി​യും വ​രു​മാ​ന മാ​ർ​ഗ​വു​മാ​യി​രു​ന്ന വെ​റ്റി​ല​ക്കൃ​ഷി നാ​ട്ടി​ൻ​പു​റ​ങ്ങ​ളി​ൽ​നി​ന്ന് അ​ന്യ​മാ​വു​ന്നു. ആ​വ​ശ്യ​ക്കാ​ർ കു​റ​ഞ്ഞ​തും പു​തു​താ​യി കൃ​ഷി​ക്ക് ആ​രും മു​ന്നി​ട്ടി​റ​ങ്ങാ​ത്ത​തും കാ​ര​ണം ഈ ​മേ​ഖ​ല ഏ​റ​ക്കു​റെ അ​വ​സാ​സി​ച്ച അ​വ​സ്ഥ​യി​ലെ​ത്തി. വീ​ട്ടു​പ​റ​മ്പു​ക​ളി​ലാ​യി​രു​ന്നു പ​ഴ​യ കാ​ല​ത്ത് വെ​റ്റി​ല​ക്കൃ​ഷി ന​ട​ത്തി​യി​രു​ന്ന​ത്. കൃ​ഷി തു​ട​ങ്ങി മാ​സ​ങ്ങ​ൾ ക​ഴി​ഞ്ഞ് പാ​ക​മെ​ത്തു​മ്പോ​ൾ പ​റി​ച്ചെ​ടു​ക്കു​ന്ന വെ​റ്റി​ല​ക​ൾ അ​ടു​ക്കു​ക​ളാ​ക്കി കെ​ട്ടി ക​ട​ക​ളി​ൽ കൊ​ണ്ടു​പോ​യി വി​ൽ​പ​ന ന​ട​ത്തി​യാ​ണ് അ​ക്കാ​ല​ത്ത് പ​ല​രും ജീ​വി​ത​മാ​ർ​ഗം ക​ണ്ടെ​ത്തി​യി​രു​ന്ന​ത്. തി​ക്കോ​ടി, പേ​രാ​മ്പ്ര, വ​ട​ക​ര എ​ന്നി​വ​ട​ങ്ങ​ളി​ൽ മു​മ്പ് വെ​റ്റി​ല​ച്ച​ന്ത​ക​ൾ സ​ജീ​വ​മാ​യി​രു​ന്നു. ക​ർ​ഷ​ക​ർ വെ​റ്റി​ല​യു​മാ​യി അ​തി​രാ​വി​ലെ ച​ന്ത​യി​ലെ​ത്തി​യാ​ൽ ഏ​ജ​ൻ​സി​ക​ളാ​യി​രു​ന്നു ഇ​ത് വാ​ങ്ങി​യി​രു​ന്ന​ത്.

ത​ട​മെ​ടു​ത്ത് വെ​റ്റി​ല​ത്ത​ണ്ട് കു​ഴി​ച്ചി​ട്ട്, വ​ലു​താ​വാ​ൻ തു​ട​ങ്ങു​മ്പോ​ൾ മു​ള​കൊ​ണ്ട് നാ​ലു​ഭാ​ഗ​ത്തും പ​ന്ത​ൽ​പോ​ലെ വെ​ച്ചു​കെ​ട്ടി അ​തി​ലാ​യി​രു​ന്നു വെ​റ്റി​ല​ത്ത​ണ്ട് പ​ട​ർ​ത്തി​യി​രു​ന്ന​ത്. അ​ന്ന് ഈ ​ജോ​ലി​യി​ൽ പ്രാ​വീ​ണ്യ​മു​ള്ള​വ​രും ഏ​റെ​യാ​യി​രു​ന്നു. കൃഷി ന​ന​ക്കാ​ൻ ചെ​റി​യ കി​ണ​റും നി​ർ​മി​ച്ചി​രു​ന്നു. എ​ന്നാ​ൽ, മു​ള​ക്ക് ക്ര​മാ​തീ​ത​മാ​യി വി​ല ഉ​യ​രു​ക​യും ഈ ​രം​ഗ​ത്ത് തൊ​ഴി​ൽ വൈ​ദ​ഗ്ധ്യ​മു​ള്ള​വ​ർ കു​റ​ഞ്ഞു​വ​രു​ക​യും ചെ​യ്ത​തോ​ടെ വെ​റ്റി​ല​ക്കൃ​ഷി​യെ ആ​ളു​ക​ൾ കൈ​യൊ​ഴി​യു​ക​യാ​യി​രു​ന്നു.

ഇ​പ്പോ​ൾ വെ​റ്റി​ല​ക്ക് പൊ​തു​വേ ഡി​മാ​ന്റ് കു​റ​വാ​ണെ​ങ്കി​ലും നാ​ട്ടി​ൻ​പു​റ​ത്ത് ക​ട​ക​ളി​ൽ ഇ​ന്നും അ​പൂ​ർ​വ​മാ​യി വെ​റ്റി​ല കാ​ണാം. എ​ന്നാ​ൽ, ഇ​വ മ​റ്റു സ്ഥ​ല​ത്തു​നി​ന്ന് എ​ത്തി​ക്കു​ന്ന​താ​ണെ​ന്ന് ക​ട​ക്കാ​ർ പ​റ​യു​ന്നു. വി​സ്തൃ​ത​മാ​യ പ​റ​മ്പു​ക​ളി​ൽ നേ​രി​ട്ടും പാ​ട്ട​ത്തി​നെ​ടു​ത്തും ന​ട​ത്തി​യ വെ​റ്റി​ല​ക്കൃ​ഷി​ക​ൾ പ​ഴ​മ​ക്കാ​രു​ടെ ഓ​ർ​മ​ക​ളെ ഇ​ന്നും മു​റു​ക്കി​ച്ചു​വ​പ്പി​ക്കു​ന്നു.