സം​സ്ഥാ​ന​ത്ത്​ നെ​ല്ലും പ​ച്ച​ക്ക​റി​യും ഉ​ൾ​പ്പെ​ടെ കൃ​ഷി​യു​​ടെ അ​ള​വ്​ ഗ​ണ്യ​മാ​യി കു​റ​യു​ന്നു. അ​ഞ്ച്​ വ​ർ​ഷ​ത്തി​നി​ടെ പ്ര​ധാ​ന വി​ള​ക​ൾ കൃ​ഷി ചെ​യ്യു​ന്ന ഭൂ​മി​യു​ടെ അ​ള​വ്​ 39,508.31ഹെ​ക്ട​ർ കു​റ​ഞ്ഞ​താ​യി സാ​മ്പ​ത്തി​ക സ്ഥി​തി​വി​വ​ര​ക്ക​ണ​ക്ക്​ ​വ​കു​പ്പി​ന്‍റെ രേ​ഖ​ക​ൾ വ്യ​ക്​​ത​മാ​ക്കു​ന്നു. കൃ​ഷി പ്രോ​ത്സാ​ഹി​പ്പി​ക്കാ​ൻ സ​ർ​ക്കാ​ർ കോ​ടി​ക​ൾ ചെ​ല​വ​ഴി​ക്കു​മ്പോ​ഴും അ​ഞ്ച്​ വ​ർ​ഷം മു​മ്പു​ണ്ടാ​യി​രു​ന്ന​തി​നെ അ​പേ​ക്ഷി​ച്ച്​ കൃ​ഷി​ഭൂ​മി കു​റ​ഞ്ഞി​രി​ക്കു​ക​യാ​ണ്. തോ​ട്ട​വി​ള, നെ​ല്ല്, പ​ച​ക്ക​റി, ഫ​ല​വ​ർ​ഗ​ങ്ങ​ൾ എ​ന്നി​വ​യു​ടെ​യെ​ല്ലാം കൃ​ഷി കു​റ​ഞ്ഞി​ട്ടു​ണ്ട്. ഔ​ഷ​ധ സ​സ്യ കൃ​ഷി​യി​ൽ മാ​ത്ര​മാ​ണ്​ നേ​രി​യ വ​ർ​ധ​ന​യു​ണ്ടാ​യ​ത്.

2019-20ൽ 1,98,180 ​ഹെ​ക്ട​റി​ൽ നെ​ല്ല്​ കൃ​ഷി ചെ​യ്തി​രു​ന്നു. 2023-24ൽ ​എ​ത്തു​മ്പോ​ൾ ഇ​ത്​ 1,80,278.48 ഹെ​ക്ട​റാ​യി കു​റ​ഞ്ഞു. 9.03 ശ​ത​മാ​ന​മാ​ണ്​ ഈ ​കാ​ല​യ​ള​വി​ൽ നെ​ൽ​കൃ​ഷി​യി​ലു​ണ്ടാ​യ കു​റ​വ്. 2019-20ൽ 41,053 ​ഹെ​ക്ട​റി​ൽ സം​സ്ഥാ​ന​ത്ത്​ പ​ച്ച​ക്ക​റി കൃ​ഷി​യു​ണ്ടാ​യി​രു​ന്നു. 2023-24ൽ ​ഇ​ത്​ 38,974.99 ഹെ​ക്ട​റി​ലേ​ക്ക്​ ചു​രു​ങ്ങി. 5.06 ശ​ത​മാ​നം കു​റ​വാ​ണ്​ രേ​ഖ​പ്പെ​ടു​ത്തി​യ​ത്. തോ​ട്ട​വി​ള കൃ​ഷി ചെ​യ്തി​രു​ന്ന ഭൂ​മി​യു​ടെ അ​ള​വ്​ 2823.9 ഹെ​ക്ട​റും (0.41 ശ​ത​മാ​നം) ഫ​ല​വ​ർ​ഗ കൃ​ഷി 16704.9 ഹെ​ക്ട​റും (4.5) കു​റ​ഞ്ഞു.

എ​ന്നാ​ൽ, ഔ​ഷ​ധ സ​സ്യ​കൃ​ഷി 2.44 ശ​ത​മാ​നം വ​ർ​ധി​ച്ചു. 1328 ഹെ​ക്ട​റി​ൽ​നി​ന്ന്​ 1360.41 ഹെ​ക്ട​റാ​യാ​ണ്​ കൂ​ടി​യ​ത്. നാ​ഷ​ന​ൽ സാ​മ്പി​ൾ സ​ർ​വേ ക​ണ​ക്ക്​ പ്ര​കാ​രം സം​സ്ഥാ​ന​ത്ത്​ ഒ​രു വ​ർ​ഷം ആ​വ​ശ്യ​മു​ള്ള​ത്​ 20 ല​ക്ഷം ട​ൺ പ​ച്ച​ക്ക​റി​യാ​ണ്. നി​ല​വി​ൽ 17.21 ല​ക്ഷം ട​ൺ പ​ച്ച​ക്ക​റി​യാ​ണ്​ ഉ​ത്​​പാ​ദി​പ്പി​ക്കു​ന്ന​ത്. 2020-21ൽ ​ഇ​ത്​ 15.7 ല​ക്ഷം ട​ൺ ആ​യി​രു​ന്നു എ​ന്നാ​ണ്​ കൃ​ഷി വ​കു​പ്പി​ന്‍റെ ക​ണ​ക്ക്. ഉ​ത്​​പാ​ദ​നം നേ​രി​യ തോ​തി​ൽ ഉ​യ​ർ​ന്നെ​ങ്കി​ലും കൃ​ഷി​ഭൂ​മി​യു​ടെ അ​ള​വ്​ കു​റ​ഞ്ഞു​വ​രി​ക​യാ​ണ്. പ​ച്ച​ക്ക​റി ഉ​ത്​​പാ​ദ​ന​ത്തി​ൽ 2028-29ഓ​ടെ സ്വ​യം പ​ര്യാ​പ്ത​ത ല​ക്ഷ്യ​മി​ട്ട്​ സ​മ​ഗ്ര പ​ച്ച​ക്ക​റി ഉ​ത്​​പാ​ദ​ന യ​ജ്ഞം എ​ന്ന പ​ദ്ധ​തി​ക്ക്​ കൃ​ഷി വ​കു​പ്പ്​ രൂ​പം ന​ൽ​കി​യി​ട്ടു​ണ്ട്.