ക​ർ​ണാ​ട​ക​ത്തി​ലും കേ​ര​ള​ത്തി​ലു​മാ​യി വ്യാ​പി​ച്ചു​കി​ട​ക്കു​ന്ന തു​ളു​നാ​ടി​ന്റെ മ​ണ്ണി​ല്‍ ഉ​രു​ത്തി​രി​ഞ്ഞ​തും ഉ​പ​ജീ​വി​ക്കു​ന്ന​തു​മാ​യ ത​ന​ത് പ​ശു​ക്ക​ളാ​ണ് കാ​സ​ർ​കോ​ട​ൻ കു​ള്ള​ൻ പ​ശു​ക്ക​ൾ. ഒ​രു മീ​റ്റ​റി​ൽ താ​ഴെ മാ​ത്രം ഉ​യ​ര​വും ചെ​റി​യ ശ​രീ​ര​പ്ര​കൃ​തി​യു​മു​ള്ള​വ​യാ​ണ് ഈ ​പ​ശു​ക്ക​ൾ. വെ​ച്ചൂ​ർ പ​ശു​വി​നെ പോ​ലെ രാ​ജ്യ​ത്തി​ന്റെ ത​ന​ത് ക​ന്നു​കാ​ലി ബ്രീ​ഡ് ആ​യി കാ​സ​ർ​കോ​ട​ൻ പ​ശു​ക്ക​ൾ ഇ​തു​വ​രെ ഔ​ദ്യോ​ഗി​ക​മാ​യി അം​ഗീ​ക​രി​ക്ക​പ്പെ​ട്ടി​ട്ടി​ല്ലെ​ങ്കി​ലും ഈ​യി​ന​ത്തി​ന് സ​വി​ശേ​ഷ​ത​ക​ൾ പ​ല​തു​ണ്ട്.

ആ​കാ​ര​ത്തി​ൽ ചെ​റു​താ​ണെ​ങ്കി​ലും കാ​ലാ​വ​സ്ഥാ വ്യ​തി​യാ​ന​ത്തോ​ടും രോ​ഗ​ങ്ങ​ളോ​ടു​മെ​ല്ലാം വ​ലി​യ പ്ര​തി​രോ​ധം ഈ ​പ​ശു​ക്ക​ൾ​ക്കു​ണ്ട്. സ​ങ്ക​ര​യി​നം ക​ന്നു​കാ​ലി​ക​ളി​ൽ ഇ​ന്ന് വ്യാ​പ​ക​മാ​യ ര​ക്ത​പ​രാ​ദ രോ​ഗ​ങ്ങ​ളെ​ല്ലാം ഈ ​കു​റി​യ പ​ശു​ക്ക​ളെ ബാ​ധി​ക്കു​ന്ന​ത് അ​പൂ​ർ​വ​മാ​ണ്. ര​ണ്ടു​ലി​റ്റ​റി​ൽ താ​ഴെ മാ​ത്ര​മാ​ണ് ശ​രാ​ശ​രി പാ​ലു​ൽ​പാ​ദ​നം. ഒ​റ്റ​നി​റ​ത്തി​ൽ ക​റു​പ്പ് മു​ത​ൽ ത​വി​ട്ട് വ​രെ വി​വി​ധ ശ​രീ​ര​വ​ർ​ണ​ങ്ങ​ളി​ൽ പ​ശു​ക്ക​ളെ കാ​ണാം. കാ​യി​ക​ശേ​ഷി​യി​ലും ക​രു​ത്തി​ലും പ​ശു​ക്ക​ൾ മു​ൻ​പ​ന്തി​യി​ലാ​ണ്, പൊ​തു​വേ ശാ​ന്ത​ശീ​ല​മു​ള്ള​വ​യും എ​ളു​പ്പം ഇ​ണ​ങ്ങു​ന്ന​വ​യു​മാ​ണ് ഈ ​പ​ശു​ക്ക​ൾ. തീ​റ്റ തേ​ടി ദി​വ​സ​വും പ​ക​ല​ന്തി​യോ​ളം മേ​യു​ന്ന​താ​ണ് കാ​സ​ർ​കോ​ട​ൻ പ​ശു​ക്ക​ൾ​ക്ക് ഇ​ഷ്ടം, തൊ​ഴു​ത്തി​ൽ തി​രി​കെ​യെ​ത്തു​മ്പോ​ൾ വൈ​ക്കോ​ലും വെ​ള്ള​വും അ​ൽ​പം പി​ണ്ണാ​ക്കും ത​വി​ടും അ​ധി​ക തീ​റ്റ​യാ​യി ന​ൽ​കി​യാ​ൽ മ​തി. പ​രി​പാ​ല​ന ചെ​ല​വ് തീ​ർ​ത്തും കു​റ​വാ​ണ്. സീ​റോ ബ​ജ​റ്റ് ഫാ​ർ​മി​ങ് രീ​തി​ക​ൾ​ക്ക് ഏ​റ്റ​വും അ​നു​യോ​ജ്യ​വു​മാ​ണ് ഈ ​പ​ശു​ക്ക​ൾ.

മു​തി​ർ​ന്ന പ​ശു​ക്ക​ൾ​ക്ക് 150 കി​ലോ​യും കാ​ള​ക​ൾ​ക്ക് 200 കി​ലോ​യും തൂ​ക്ക​മു​ണ്ടാ​വും. വ​ർ​ഷ​ത്തി​ൽ ഒ​രു പ്ര​സ​വം ന​ട​ക്കും. സ​ങ്ക​ര​യി​നം പ​ശു​ക്ക​ൾ വ്യാ​പ​ക​മാ​യെ​ങ്കി​ലും ഇ​ന്നും നി​ര​വ​ധി ക​ർ​ഷ​ക​ർ പ​ര​മ്പ​രാ​ഗ​ത ശൈ​ലി​യി​ൽ ജി​ല്ല​യി​ൽ കാ​സ​ർ​കോ​ട​ൻ പ​ശു​ക്ക​ളെ വം​ശ​നാ​ശ​ത്തി​ന് വി​ട്ടു​ന​ൽ​കാ​തെ വ​ള​ർ​ത്തി സം​ര​ക്ഷി​ക്കു​ന്നു. കാ​സ​ർ​കോ​ട്, കാ​റ​ഡു​ക്ക, മ​ഞ്ചേ​ശ്വ​രം പ്ര​ദേ​ശ​ങ്ങ​ളി​ലാ​ണ് ഇ​ന്ന് ഈ​യി​നം പ​ശു​ക്ക​ൾ കൂ​ടു​ത​ലാ​യി കാ​ണ​പ്പെ​ടു​ന്ന​ത്. കാ​സ​ർ​കോ​ട​ൻ പ​ശു​ക്ക​ളു​ടെ പാ​ലി​നും പാ​ലി​ൽ നി​ന്നു​ള്ള ഉ​ൽ​പ​ന്ന​ങ്ങ​ൾ​ക്കു​മെ​ല്ലാം ജ​ന​ങ്ങ​ൾ​ക്കി​ട​യി​ൽ വ​ലി​യ പ്ര​ചാ​ര​വും പ്ര​സി​ദ്ധി​യു​മു​ണ്ട്.

അ​ട​ക്ക ഉ​ൾ​പ്പെ​ടെ കാ​സ​ർ​കോ​ട് ജി​ല്ല​യി​ൽ വ്യാ​പ​ക​മാ​യ കാ​ർ​ഷി​ക​വി​ള​ക​ൾ ത​ഴ​ച്ചു​വ​ള​രാ​ൻ ക​ർ​ഷ​ക​ർ​ക്ക് ഒ​ഴി​ച്ചു​കൂ​ടാ​ൻ പ​റ്റാ​ത്ത ജൈ​വ​വ​ള സ്രോ​ത​സ്സ് കൂ​ടി​യാ​ണ് ഈ ​കു​ഞ്ഞ​ൻ പ​ശു​ക്ക​ളു​ടെ ചാ​ണ​കം. ജൈ​വ​വ​ളം ത​ന​ത് രീ​തി​യി​ൽ തൊ​ഴു​ത്തി​ൽ​ത്ത​ന്നെ സം​ഭ​രി​ച്ച് ശേ​ഖ​രി​ക്കു​ന്ന​തി​നാ​യി ഗോ​ബ​റ എ​ന്ന വി​ളി​ക്കു​ന്ന പൈ​തൃ​ക​രീ​തി ത​ന്നെ തു​ളു​നാ​ട്ടി​ലെ ക​ർ​ഷ​ക​ർ​ക്കി​ട​യി​ൽ പ്ര​ചാ​ര​ത്തി​ലു​ണ്ട്. തൊ​ഴു​ത്തി​ന്റെ ത​റ​യി​ൽ പ​ച്ചി​ല​ക​ളും ക​വു​ങ്ങി​ന്റെ പാ​ള​യോ​ല, അ​ട​ക്കാ​ത്തൊ​ണ്ട് മു​ത​ലാ​യ​വ ക​ട്ടി​യി​ൽ വി​രി​ച്ച് അ​തി​ൽ പ​ശു​ക്ക​ളെ വ​ള​ർ​ത്തു​ന്ന രീ​തി​യാ​ണി​ത്. പ​ശു​ക്ക​ളു​ടെ ചാ​ണ​ക​വും മൂ​ത്ര​വു​മെ​ല്ലാം വി​രി​പ്പി​നൊ​പ്പം ചേ​ർ​ന്ന് ക്ര​മേ​ണ മി​ക​ച്ച ജൈ​വ​വ​ള​മാ​യി മാ​റും.

കു​ഞ്ഞ​ൻ പ​ശു​ക്ക​ൾ​ക്ക് പ​രി​ര​ക്ഷ

ഉ​ത്ത​ര കേ​ര​ള​ത്തി​ന്റെ ഈ ​സ​വി​ശേ​ഷ ജീ​വ​പൈ​തൃ​ക​ത്തെ ജ​നി​ത​ക​ശോ​ഷ​ണം വ​രാ​തെ സം​ര​ക്ഷി​ക്കാ​ൻ സ​ർ​ക്കാ​ർ മേ​ഖ​ല​യി​ൽ കാ​സ​ർ​കോ​ട് ബ​ദി​യ​ടു​ക്ക പ​ഞ്ചാ​യ​ത്തി​ലെ ബേ​ള​യി​ൽ പ​രി​ര​ക്ഷ​ണ കേ​ന്ദ്ര​വും ഫാ​മും പ്ര​വ​ർ​ത്തി​ച്ചു​വ​രു​ന്നു. 30 കാ​സ​ർ​കോ​ട​ൻ പ​ശു​ക്ക​ളു​മാ​യി ആ​രം​ഭി​ച്ച ബ​ദി​യ​ടു​ക്ക​യി​ലെ ഈ ​ഫാം ഇ​ന്ന് 180 ഓ​ളം നാ​ട​ൻ പ​ശു​ക്ക​ളു​ടെ ജ​നി​ത​ക പൈ​തൃ​ക​കേ​ന്ദ്ര​മാ​ണ്.

2013ൽ ​പ്ര​വ​ർ​ത്ത​നം ആ​രം​ഭി​ച്ച ബേ​ള ക​ന്നു​കാ​ലി ഫാം ​കേ​ര​ള​ത്തി​ലെ ത​ന്നെ സ​ർ​ക്കാ​ർ ഉ​ട​മ​സ്ഥ​ത​യി​ലു​ള്ള ഏ​ക ത​ന​തു ക​ന്നു​കാ​ലി സം​ര​ക്ഷ​ണ കേ​ന്ദ്ര​മാ​ണ്. കാ​സ​ർ​കോ​ട​ൻ പ​ശു​ക്ക​ളു​ടെ ജ​നി​ത​ക സം​ര​ക്ഷ​ണം ഉ​റ​പ്പാ​ക്കു​ന്ന​തി​നും വം​ശ​വ​ർ​ധ​ന പ്രോ​ത്സാ​ഹി​പ്പി​ക്കു​ന്ന​തി​നും മ​റ്റി​നം കാ​ലി​ക​ളു​മാ​യു​ള്ള സ​ങ്ക​ര​പ്ര​ജ​ന​നം ത​ട​യു​ന്ന​തി​നു​മാ​യി ജി​ല്ല​യി​ലെ എ​ല്ലാ മൃ​ഗാ​ശു​പ​ത്രി​ക​ളി​ലും കൃ​ത്രി​മ ബീ​ജാ​ധാ​ന കേ​ന്ദ്ര​ങ്ങ​ളി​ലും കാ​സ​ർ​കോ​ട​ൻ ഇ​ന​ത്തി​ൽ പെ​ട്ട മേ​ൽ​ത്ത​രം കാ​ള​ക​ളു​ടെ ബീ​ജം മൃ​ഗ​സം​ര​ക്ഷ​ണ​വ​കു​പ്പ് കേ​ര​ള ക​ന്നു​കാ​ലി വി​ക​സ​ന ബോ​ർ​ഡ് വ​ഴി ല​ഭ്യ​മാ​ക്കു​ന്നു​ണ്ട്. ഈ​യി​നം പ​ശു​ക്ക​ളു​ടെ സം​ര​ക്ഷ​ണം ഉ​റ​പ്പാ​ക്കു​ന്ന​തി​നാ​യി കാ​സ​ർ​കോ​ട് ഡ്വാ​ർ​ഫ് ക​ൺ​സ​ർ​വേ​ഷ​ൻ സൊ​സൈ​റ്റി​യും ജി​ല്ല​യി​ൽ പ്ര​വ​ർ​ത്തി​ച്ചു​വ​രു​ന്നു.

കാ​സ​ർ​കോ​ട​ൻ പ​ശു​ക്ക​ൾ​ക്ക് ബ്രീ​ഡ് പ​ദ​വി ല​ഭി​ക്കു​മോ?

ഇ​ന്ത്യ​ന്‍ കാ​ര്‍ഷി​ക ഗ​വേ​ഷ​ണ കൗ​ണ്‍സി​ലി​ന്‍റെ കീ​ഴി​ല്‍ ഹ​രി​യാ​ന​യി​ലെ ക​ർ​ണാ​ൽ ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന നാ​ഷ​ന​ല്‍ ആ​നി​മ​ല്‍ ജ​ന​റ്റി​ക്സ് റി​സോ​ഴ്സ​സ് ബ്യൂ​റോ​യാ​ണ് രാ​ജ്യ​ത്തെ ത​ന​ത് വ​ള​ർ​ത്തു​മൃ​ഗ ജ​നു​സ്സു​ക​ൾ​ക്ക് ഔ​ദ്യോ​ഗി​ക അം​ഗീ​കാ​രം ന​ൽ​കി ഒ​രു ബ്രീ​ഡാ​യി പ്ര​ഖ്യാ​പി​ക്കു​ന്ന​ത്. ബ്രീ​ഡാ​യി അം​ഗീ​ക​രി​ക്ക​പ്പെ​ട്ട വ​ള​ർ​ത്തു​മൃ​ഗ ജ​നു​സ്സു​ക​ളു​ടെ പ​രി​ര​ക്ഷ​ണ​വും പ​രി​പാ​ല​ന​വും പ്രോ​ത്സാ​ഹി​പ്പി​ക്കു​ന്ന​തി​നും ഗ​വേ​ഷ​ണ​ങ്ങ​ൾ​ക്കും ജ​നി​ത​ക സം​ര​ക്ഷ​ണ​ത്തി​നും സു​സ്ഥി​ര പ്ര​ജ​ന​ന പ്ര​വ​ർ​ത്ത​ന​ങ്ങ​ൾ​ക്കു​മാ​യി വ​ർ​ഷാ​വ​ർ​ഷം കോ​ടി​ക്ക​ണ​ക്കി​ന് രൂ​പ​യാ​ണ് രാ​ജ്യം ചെ​ല​വി​ടു​ന്ന​ത്.

കൂ​ടാ​തെ ബ്രീ​ഡ് പ​ട്ടി​ക​യി​ൽ ഇ​ടം​നേ​ടി​യ മൃ​ഗ​ങ്ങ​ളെ അ​വ​യു​ടെ ഉ​റ​വി​ട​ങ്ങ​ളി​ൽ​ത്ത​ന്നെ സം​ര​ക്ഷി​ക്കു​ന്ന ക​ർ​ഷ​ക​ർ​ക്ക് സാ​മ്പ​ത്തി​ക സ​ഹാ​യ​വും പു​ര​സ്കാ​ര​ങ്ങ​ളും ന​ൽ​കി​വ​രു​ന്നു. കാ​സ​ർ​കോ​ട​ൻ കു​ഞ്ഞ​ൻ പ​ശു​ക്ക​ൾ​ക്ക് ബ്രീ​ഡ് പ​ദ​വി നേ​ടി​യെ​ടു​ക്കു​ന്ന​തി​നാ​യു​ള്ള പ​രി​ശ്ര​മ​ങ്ങ​ൾ​ക്ക് വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ട്. എ​ന്നാ​ൽ, പ​ല​കാ​ര​ണ​ങ്ങ​ളാ​ൽ ല​ക്ഷ്യ​പ്രാ​പ്തി​യി​ലെ​ത്താ​നാ​യി​ല്ല. മൃ​ഗ​സം​ര​ക്ഷ​ണ വ​കു​പ്പി​ന്റെ​യും കേ​ര​ള ക​ന്നു​കാ​ലി വി​ക​സ​ന ബോ​ർ​ഡി​ന്റെ​യും ആ​ഭി​മു​ഖ്യ​ത്തി​ൽ കാ​സ​ർ​കോ​ട​ൻ പ​ശു​ക്ക​ൾ​ക്ക് ദേ​ശീ​യ ത​ല​ത്തി​ൽ അം​ഗീ​ക​രി​ക്ക​പ്പെ​ട്ട ഒ​രു ബ്രീ​ഡ് എ​ന്ന പ​ദ​വി നേ​ടി​യെ​ടു​ക്കു​ന്ന​തി​ന് വേ​ണ്ടി​യു​ള്ള പ്ര​വ​ർ​ത്ത​ന​ങ്ങ​ൾ നി​ല​വി​ൽ പു​രോ​ഗ​മി​ക്കു​ക​യാ​ണ്.

ഇ​തി​ന്റെ പ്രാ​രം​ഭ​മാ​യി പ​ശു​ക്ക​ളു​മാ​യി ബ​ന്ധ​പ്പെ​ട്ട സ​ർ​വേ പൂ​ർ​ത്തി​യാ​യി​ക്ക​ഴി​ഞ്ഞു. തു​ട​ർ ന​ട​പ​ടി​ക​ൾ കൂ​ടി പൂ​ർ​ത്തി​യാ​വു​ന്ന​തോ​ടെ കാ​സ​ർ​കോ​ട​ൻ പ​ശു​ക്ക​ൾ​ക്ക് ദേ​ശീ​യ ത​ല​ത്തി​ൽ അം​ഗീ​ക​രി​ക്ക​പ്പെ​ട്ട ജ​നു​സ്സ് എ​ന്ന പ​ദ​വി നേ​ടി​യെ​ടു​ക്കാ​ൻ ക​ഴി​യു​മെ​ന്ന് ത​ന്നെ​യാ​ണ് ഈ ​മേ​ഖ​ല​യി​ൽ പ്ര​വ​ർ​ത്തി​ക്കു​ന്ന ക​ർ​ഷ​ക​രു​ടെ പ്ര​തീ​ക്ഷ. കൂ​ടാ​തെ കാ​സ​ർ​കോ​ട​ൻ പ​ശു​ക്ക​ളെ കാ​സ​ർ​കോ​ട് ജി​ല്ല​യു​ടെ ത​ന​ത് വ​ള​ർ​ത്തു​മൃ​ഗ​യി​ന​മാ​യി പ്ര​ഖ്യാ​പി​ക്കു​ന്ന​തി​നു​ള്ള ന​ട​പ​ടി​ക​ൾ​ക്ക് കാ​സ​ർ​കോ​ട് ജി​ല്ല പ​ഞ്ചാ​യ​ത്തും തു​ട​ക്ക​മി​ട്ടി​ട്ടു​ണ്ട്.